წესები და პირობები

წესები და პირობები

მოვაჭრე: შპს “ფარმაკოჯი“ 

საიდენტიფიკაციო კოდი: 405556777

მისამართი: ქალაქი თბილისი, შალვა ნუცუბიძის ქუჩა, N 17, ბინა 33

ტელეფონი:

ელ. ფოსტა:

მომხმარებლის ქცევის ზოგადი წესები

თქვენ ადასტურებთ, რომ არ განახორციელებთ ქვემოხსენებულ ქმედებებს:

• ნებისმიერი უკანონო ღონისძიების განხორციელება ან რეკლამირება ჩვენი პლატფორმის მეშვეობით;
• პლატფორმის გამართული ფუნქციონირებისათვის საფრთხის შექმნა ან რაიმე მცდელობა იმისათვის, რათა გამოანგარიშებულ იქნას პროგრამის საწყისი კოდი, რასაც ემყარება და რითაც ფუნქციონირებს აპლიკაცია.
• პლატფორმის დაცულ ნაწილზე უნებართვო შესვლის მცდელობა.
• ნებისმიერი სახის ვირუსის, ან სხვა ზიანის მომტანი კოდის ატვირთვა ან გადაცემა.
• პლატფორმის გამოყენება იმისათვის, რომ შექმნილ იქნეს არასასურველი სპამი ან ელექტრონულ ფოსტაზე გასავრცელებელი რეკლამა.
• ნებისმიერი ავტომატური ან მექანიკური პროცესის გამოყენება აპლიკაციიდან რაიმე ინფორმაციის მოსაპოვებლად ან მოსაძებნად, ან პლატფორმის გამართულ ფუნქციონირებაში ჩარევის მიზნით.
• საკუთარი თავის სხვა მომხმარებლად გასაღება.
• არ წარმოადგენთ ყალბ ან ისეთი სახის რეცეპტს, რომელიც გაცემული არ არის თქვენს სახელზე  ან/და არ გაქვთ მისი გამოყენების უფლება. 
• არ მოახდენთ პლატფორმის მეშვეობით შეძენილი საქონელის რეალიზაციას და იგი თქვენს მიერ  არ იქნება გამოყენებული კომერციული მიზნებისთვის. 

1. ჩვენი მომსახურება

1. pharmaco.ge არის პლატფორმა, რომელიც მომხმარებელს ანიჭებს შესაძლებლობას, შეიძინოს აპლიკაციაში ან/და ვებ-გვერდზე (შემდგომში ერთობლივად მოხსენიებული „პლატფორმა“ ან/და „აპლიკაცია”)  განთავსებული პროდუქცია, რომელიც შესაძლებელია იყოს ფარმაცევტული პროდუქცია ან/და თავის მოვლის საშუალებები, შემდგომში მოხსენიებული, როგორც „პროდუქტი“), წინამდებარე ხელშეკრულებით განსაზღვრული წესითა და  პირობებით.

1. თქვენს მიერ პროდუქტის შეძენა ხორციელდება pharmaco.ge-ზე შეკვეთის გაკეთებით, რომელსაც ჩვენი კურიერი, თქვენს მიერ მითითებულ მისამართზე მოგაწვდით.

• Pharmaco-ს პლატფორმით  სარგებლობის პირობები

• Pharmaco-ს პლატოფრმით სარგებლობისთვის, თქვენ ადასტურებთ, რომ:

• ხართ საქართველოს კანონმდებლობის საფუძველზე შექმნილი იურიდიული პირი ან ფიზიკური პირი, რომელსაც საქართველოს სამოქალაქო კოდექსის შესაბამისად გააჩნია სრული (შეუზღუდავი) ქმედუნარიანობა. ასევე აცნობიერებთ, საკუთარი ნების გამოვლენის შინაარს, პირობების დებულებათა არსს და მისგან გამომდინარე სამართლებრივ შედეგებს.   

• იმ შემთხვევაში თუ თქვენ  წარმოადგენთ  იურიდიულ პირს, ფლობთ საქართველოს კანონმდებლობით გათვალისწინებული საქმიანობის შესაბამისი ლიცენზიას/ნებართვას, უფლება გაქვთ დადოთ  წინამდებარე ხელშეკრულება, ისარგებლოთ პლატფორმით, შეიძინოთ  მასზე განთავსებული პროდუქტი და თავად განსაზღვროთ მისი შემდგომი გამოყენების მიზანი. 

• იმ შემთხვევაში თუ თქვენ წარმოადგენთ იურდიულ პირს, ვალდებული ხართ წარმოადგინოთ საქმიანობის შესაბამისი ლიცენზია/ნებართვა და სრულად იღებთ პასუხისმგებლობას მის სისწორესა და კანონმდებლობასთან შესაბამისობაზე. 

• Pharmaco-ს ანიჭებთ სრულ უფლებამოსილებას მხოლოდ შეკვეთის შესრულებისა და თქვენთვის საქონლის მოწოდების მიზნით საჭიროების მიზნით და შემთხვევაში გამოიყენოს/დაამუშავოს/შეინახოს /გადასცეს/შესაბამის სახელმწიფო ორგანოს ან/და მესამე პირებს,  თქვენს მიერ წარმოდგენილი პერსონალური მონაცემები,  მათ შორის პირადობის მოწმობის მონაცემები/მისი ასლი, წარმოდგენილი სამედიცინო დოკუმენტაცია (ფორმა 100, რეცეპტი და სხვ.) და სხვა აუცილებელი დოკუმენტაცია/ინფორმაცია. ამასთან, თქვენ გაეცანით Pharmaco-ს მიერ შემუშავებულ პერსონალურ მონაცემთა დაცვის პოლიტიკას  და ითვალისწინებთ, რომ იგი წარმოადგენს ამ ხელშეკრულების განუყოფელ ნაწილს.

• პლატფორმაზე ანგარიშის გახსნისას და ხელშეკრულების მოქმედების მთელი პერიოდისათვის თქვენი ქმედება(ები) შესაბამისობაში არის/იქნება ადგილობრივ ან/და საერთაშორისო კანონმდებლობასთან.

• გეკუთვნით ან ფლობთ საჭირო უფლებებს, ნებართვებს და თანხმობებს საიმისოდ, რომ გამოიყენოთ და ნება დართოთ Pharmaco-ს, რათა მან გამოიყენოს ყველა და ნებისმიერი თქვენ მიერ Pharmaco–სთვის გადაცემული ინფორმაცია ამ ხელშეკრულებით Pharmaco–სათვის მინიჭებული უფლების შესაბამისად;

• Pharmaco-ს პლატფორმით სარგებლობისთვის, თქვენ აცხადებთ და გარანტიას იძლევით, რომ:

• იმოქმედებთ წინამდებარე ხელშეკრულების პირობების შესაბამისად;

• წარმოადგენთ ზუსტ და სწორ ინფორმაციას ანგარიშის გახსნისას ან/და ჩვენი მომსახურების მისაღებად და რეგისტრირებისას;

• ხართ სრულად პასუხისმგებელი თქვენი, როგორც მომხმარებლის პირად ანგარიშზე, ასევე ყველა იმ აქტივობაზე, რომელიც ხორციელდება თქვენი ანგარიშით აპლიკაციაში ყოფნის ან Pharmaco–ს მომსახურებით სარგებლობის დროს;

• არ გამოიყენებთ Pharmaco–ს ნებისმიერი პირადი საიდენტიფიკაციო ინფორმაციის მოსაპოვებლად, მათ შორის ანგარიშთა სახელწოდებებს, ელექტრონული ფოსტის მისამართებს, ან სხვა მსგავს ინფორმაციას კომერციული მიზნების მისაღწევად;

• არ გამოიყენებთ Pharmaco –ს მიერ წარმოდგენილ კომუნიკაციის სისტემებს ან Pharmaco–ზე შექმნილ კონტაქტებს კომერციული მიზნების მისაღწევად;

• თქვენ აცნობიერებთ, რომ ვინაიდან  აპლიკაციაში/ვებ-გვერდზე განთავსებული საქონელი ძირითადად წარმოადგენს ფარმაცევტული პროდუქციას  (წამალი ან ფიზიოლოგიურად აქტიური, ბუნებრივი ან სინთეზური გზით მიღებული ნივთიერება ან მათი კომბინაცია, რომლის ადამიანის ორგანიზმზე ზემოქმედება განპირობებულია ფარმაკოლოგიური, იმუნოლოგიური ან მეტაბოლური მოქმედებით და რომელიც ნებადართულია სამედიცინო გამოყენებისთვის, მათ შორის, ფარმაცევტული პროდუქტის სახელმწიფო რეგისტრაციის ეროვნული რეჟიმით ნებაყოფლობით რეგისტრირებული კომპლემენტარული სამკურნალო საშუალება, ბიოლოგიურად აქტიური დანამატი, პარასამკურნალო საშუალება.) მოთხოვნის/საჭიროების  შემთხვევაში ვალდებული ხართ  წარმოადგინოთ სამედიცინო დოკუმენტაცია (ექიმის მიერ გაცემული შესაბამისი რეცეპტი/ფორმა 100), რომლის გამოყენების და მასში მოცემული ინფორმაციის  დამუშავების უფლებას სრულად ანიჭებთ კოპანიას წინამდებარე ხელშეკრულებით გათალისწინებული მიზნებისთვის.

• ხართ სრულად პასუხისმგებელი თქვენ მიერ მოწოდებულ ნებისმიერ ინფორმაციაზე, ასევე,  სამედიცინო დოკუმენტაციის (მოთხოვნის შემთხვევაში რეცეპტის ან/და ფორმა 100 -ის) ან/და ლიცენზიის/შესაბამისი ნებართვის სისწორესა (ასეთის არსებობის შემთხვევაში) და მისი/მათი კანონმდებლობასთან შესაბამისობაზე (ექიმის წერილობითი მიმართვა ფარმაცევტული პროდუქტის მომზადების, გაცემისა და მოხმარების წესების შესახებ). 

• პროდუქტის შესყიდვა-მიწოდება

• ფუნქციონირება

• ვებ-გვერდზე   განთავსებული საქონლის შესაძენად აუცილებელია Pharmaco–ს პლატფორმაზე ანგარიშის გახსნა (რეგისტრაციის/ავტორიზაციის გავლა).

• რეგისტრაცია/ავტორიზაცია  ხორციელდება შემდეგი მეთოდით:

• pharmaco.ge–ს რეგისტრაციის გვერდზე მომხმარებელი უთითებს საკუთარ სახელს, გვარს, ელექტრონული ფოსტის მისამართს ან/და მობილური ტელეფონის ნომერს და პაროლს. რეგისტრაციის პროცესის დასრულებისათვის საჭიროა pharmaco.ge-ზე მითითებული მომხმარებლის ელექტრონული ფოსტის მისამართის ან/და მობილური ტელეფონის ნომრის ვერიფიცირება, რაც გულისხმობს მომხმარებლის ელექტრონული ფოსტის მისამართის ან/და მობილური ტელეფონის ნომრის სისწორისა და ნამდვილობის შემოწმებას მომხმარებლის ელექტრონული ფოსტის მისამართზე ან/და მობილური ტელეფონის ნომერზე გაგზავნილი ბმულის/კოდის საშუალებით. მომხმარებლის ელექტრონული ფოსტის მისამართზე ან/და მობილური ტელეფონის ნომრის რეგისტრაციის პროცესის დასრულების შემდეგ მომხმარებელი ხდება pharmaco.ge–-ს პლატფორმაზე ანგარიშის მფლობელი.

• Pharmaco უფლებამოსილია ნებისმიერ დროს შეცვალოს pharmaco.ge-ს პლატფორმაზე მომხმარებლის რეგისტრაციისათვის ან/და ავტორიზაციისათვის საჭირო სავალდებულო მონაცემები, რის შესახებაც ინფორმაცია დარეგისტრირებულ მომხმარებლებს ეცნობებათ გონივრული ვადით ადრე, ელ. ფოსტის ან სმს საშუალებით.

• pharmaco.ge-ს პლატფორმაზე ავტორიზაციის და ანგარიშის უსაფრთხოების უზრუნველყოფის მიზნით, მომხმარებლის მიერ pharmaco.ge-ს პლატფორმაზე  რეგისტრაციის დროს მითითებული პაროლი ინახება დაშიფრულად და მხოლოდ მომხმარებელისთვის არის ცნობილი.

• მომხმარებელი ვალდებულია უზრუნველყოს, რომ pharmaco.ge-ს პლატფორმაზე რეგისტრაციის დროს მითითებული მონაცემები, მათ შორის, პერსონალური მონაცემი იყოს უტყუარი, ზუსტი და სრული.

• მომხმარებლი თავად არის პასუხისმგებელი მისი ანგარიშის პაროლის კონფიდენციალობის დაცვაზე და ანგარიშის მეშვეობით განხორციელებულ ნებისმიერ ქმედებაზე.

• რეგისტრირებული მომხმარებლის მიერ pharmaco.ge–სპლატფორმაზე ავტორიზაციისათვის საჭირო მონაცემების აღდგენა ხორციელდება pharmaco.ge-ს პლატფორმაზე დაცული მომხმარებლის ელექტრონული ფოსტის მისამართზე ან/და მობილური ტელეფონის ნომერზე მონაცემთა აღდგენისათვის საჭირო გაგზავნილი ინფორმაციის საშუალებით ან წინამდებარე ხელშეკრულებაში მითითებულ საკონტაქტო/საკომუნიკაციო არხებზე დაკავშირების გზით.

• პროდუქტის შეძენა და ანგარიშწორება  ხორციელდება შემდეგნაირად:

• აპლიკაციაში/ვებ-გვერდზე განთავსებულია კატალოგი, საიდანაც  ავტორიზაციის გავლის შემდეგ,  მომხმარებელი ირჩევს მისთვის სასურველ პროდუქტს, და ღილაკზე “დამატება კალათაში“ დაჭერით განათავსებს ვირტუალურ კალათაში. მომხმარებელს შეუძლია გააგრძელოს პროდუქტის შერჩევის პროცესი ან დაიწყოს კალათაში განთავსებული პროდუქტის შეძენის პროცესი.

• მომხმარებელს შეუძლია მოახდინოს მის კალათაში განთავსებული პროდუქტის დამატება, წაშლა ან რაოდენობის ცვლილება.

• კალათაში პროდუქტის დამატებით მომხმარებელს არ წარმოეშობა რაიმე სახის უფლება ან მოთხოვნა პროდუქტზე ან/და  Pharmaco-ს მიმართ. კალათაში განთავსებული პროდუქტები არ ითვლება დაჯავშნილად და ნებისმიერ დროს შეიძლება გახდეს მომხმარებლისათვის მიუწვდომელი ან/და შეიძინოს სხვა მომხმარებლმა.

• კალათაში დამატებული პროდუქტის შეძენისათვის, აუცილებელია მომხმარებელმა დააჭიროს ღილაკს  „ყიდვა“, საიდანაც გადამისამართდება  იმ გვერდზე, სადაც იგი  უთითებს ან/და საკუთარი სურვილის შესაბამისად ირჩევს (არჩევანის არსებობის შემთხვევაში) მისთვის პროდუქტის მიწოდებისათვის საჭირო მონაცემებს (ელ-ფოსტა, სახელი, გვარი, მობილური ტელეფონის ნომერი , ქუჩა ქალაქი, ქვეყანა, მიწოდების ტიპი, გადახდის ტიპი, ვაუჩერის კოდი), პროდუქტის მიწოდების (გადაზიდვის) ტიპს/მეთოდს და პროდუქტის ღირებულების/შეკვეთის ღირებულების გადახდის მისთვის სასურველ ტიპს/მეთოდებს. იმ შემთხვევაში, თუ კონკრეტული პროდუქტის შესაძენად აუცილებელია სამედიცინო დოკუმენტაციის/ინფორმაციის წარდგენა, მომხმარებელი ვალდებულია ატვირთოს  ან/და მიუთითოს აღნიშნული ინფორმაცია შესაბამის ველში.

• მომხმარებლის მიერ პროდუქტის ღირებულების გადახდა ხორციელდება ონლაინ, Payze-ს საგადახდო სისტემის მეშვეობით, რომელიც  კომპანიას და მომხმარებელს უწევს საგადახდო მომსახურებას საქართველოს კანონმდებლობის შესაბამისად.

• გადახდის დადასტურების შემდგომ მომხმარებელი მიიღებს შეტყობინებას (ელ.ფოსტაზე ან/და სმს შეტყობინების სახით) შეკვეთის მიღების დადასტურების შესახებ.

• პროდუქტის/შეკვეთის მიწოდება

• აპლიკაციაში/ვებ-გვერდზე განთავსებულ კატალოგში არსებულ თითოეულ პროდუქტზე მითითებულია მისი ღირებულება, მახასიათებლები, ანოტაცია, საგარანტიო პირობები (ასეთის არსებობის შემთხვევაში) მიწოდების ვადა  წარმოსადგენად აუცილებელი დოკუმენტაცია და კანონმდებლობით დადგენილი ყველა სხვა აუცილებელი ინფორმაცია. შეკვეთის გასაკეთებლად, მომხმარებელი კატალოგში ირჩევს სასურველ საქონელს, უთითებს  მიწოდების მისამართს და წარადგენს მოთხოვნილ სამედიცინო დოკუმენტაციას/ინფორმაციას (საჭიროების შემთხვევაში), რის შემდეგაც ახორციელებს ონლაინ გადახდას.  გადახდის დადასტურების შემდგომ მომხმარებელი მიიღებს შეტყობინებას (ელ.ფოსტაზე ან/და სმს შეტყობინების სახით) შეკვეთის მიღების დადასტურების შესახებ.
  • მომხმარებელი  მის მიერ გაკეთებულ შესყიდულ პროდუქტს –  შეკვეთას  მიიღებს პროდუქტის აღწერის გრაფაში მითითებული ვადაში და ამ ხელშეკრულებით გათვალისწინებული წესით. წინასწარ, საკურიერო წარმომადგენელთან შეთანხმებული დროის შუალედში.  

• პროდუქტის მიწოდება მომხმარებლისათვის ხორციელდება   Pharmaco-ს მიერ ან კონტრაქტორი, მესამე პირის (საკურიერო წარმომადგენლის) მეშვეობით.

• პროდუქტის მიმღები/ჩამბარებელი პირის იდენტიფიცირების, სრულწლოვანების ან/და ქმედუნარიანობის გადამოწმების მიზნით,  Pharmaco – ს მოთხოვნის შემთხვევაში, მომხმარებლის მიერ Pharmaco – ს პლატფორმაზე მითითებული პროდუქტის მიტანის/მიწოდების ადგილას შეკვეთის მიმღებმა/ჩამბარებელმა უნდა წარმოადგინოს პირადობის დამადასტურებელი დოკუმენტი, წინააღმდეგ შემთხვევაში Pharmaco ან/და საკურიერო წარმომადგენელი არ გადასცემს პროდუქტს ასეთ პირს.

• თუ მომხმარებელი და არც მის მიერ მითითებული მესამე პირი შეკვეთის მიღების დროს (რომელიც წინასწარ იქნა შეთანხმებული მომხმარებელთან ან მის წამომადგენელთან) არ იმყოფება Pharmaco–ს პლატფორმაზე მითითებული პროდუქტის მიტანის/მიწოდების ადგილას, პროდუქტი/შეკვეთა ექვემდებარება უკან დაბრუნებას Pharmaco -სათვის. აღნიშნულ შემთხვევაში, Pharmaco ინახავს მომხმარებლის ჩაუბარებელ პროდუქტს Pharmaco-ს მიერ უკან მიღებიდან (ჩაბარებიდან) მომდევნო 72 საათის განმავლობაში [OK1] (მომხმარებელს შეკვეთის მიწოდებისათვის გადახდილი ღირებულება უკან არ დაუბრუნდება/ამ ვადის გავლის შემდეგ მომხმარებელი კარგავს ყველა უფლებას შეკვეთით განსაზღვრულ პროდუქტზე, ხოლო Pharmaco არ არის ვალდებული დაუბრუნოს მომხმარებელს შეკვეთის/პროდუქტის ღირებულება და მიწოდების ღირებულება.

• Pharmaco -ს არ დაეკისრება პასუხისმგებლობა პროდუქტის მოწოდების ვადის დარღვევისათვის, თუ ამგვარი დაგვიანება ან მოუწოდებლობა მთლიანად ან ნაწილობრივ გამოწვეულია ფორს-მაჟორული გარემოებებით.

• მომხმარებლის შეკვეთით განსაზღვრულ პროდუქტზე საკუთრების უფლება Pharmaco – დან მომხმარებელზე გადადის მომხმარებლის მიერ Pharmaco-სთვის პროდუქტის ღირებულების სრულად გადახდის შემდეგ.

• მომხმარებლის შეკვეთით განსაზღვრული პროდუქტის დაკარგვის, დაზიანების ან/და განადგურების Pharmaco -დან მომხმარებელზე გადადის პროდუქტის მიტანის/მიწოდების ადგილას მომხმარებელზე ან სხვა შესაბამისი პირისათვის პროდუქტის ფაქტობრივი გადაცემის მომენტიდან.

• მომხმარებელი ითვალისწინებს, რომ იმ შემთხვევაში თუ ელექტრონულ პორტალზე განთავსებული საქონელი არ არის საქართველოს ტერიტორიაზე რეგისტრირებული, საბაჟო პროცედურებისა და საბაჟო ფორმალობის მიზნით, შესაძლოა საჭირო გახდეს მის მიერ სამედიცინო დოკუმენტაციის ორიგინალის სახით წარმოდგენა მატერიალური ფორმით,  რომლის წარდგენის მეთოდი და პროცედურები განისაზღვრება მხარეთა შემდგომი კომუნიკაციისა შეთანხმების შესაბამისად. 

• მომხმარებელი ითვალისწინებს, რომ საბაჟო კონტროლის დროს კომპანიისგან დამოუკიდებელი მიზეზით წარმოიშობილი შეფერხების გამო, შესაძლებელია საქონლის მიწოდება ვერ განხორციელდეს, რის გამოც კომპანია უფლებამოსილია გააუქმოს შეკვეთა და სრულად დაუბრუნდება შეკვეთის დროს გადახდილი თანხა ხსენებული შეფერხების დადგომიდან  არაუგვიანეს  5 დღის ვადაში.

• მომხმარებელი ითვალისწინებს, რომ იგი ვალდებულია გაეცნოს პლატფორმაზე განთავსებული საქონლის აღწერაში მითითებულ ინფორმაციას საქონლის შეძენის წინაპირობებისა და მიწოდების ვადების/პროცედურების შესახებ, რომელიც წარმოადგენს ამ ხელშეკრულების ფარგლებში მხარეთა შორის განსაზღვრულ სახელშეკრულებო პირობებს და განიხილება მასთან ერთად. 

• შესყიდვის/შეკვეთის გაუქმება

• მომხმარებელს შეუძლია გააუქმოს Pharmaco -ს პლატფორმაზე მიეს მიერ განთავსებული შეკვეთა. ამისათვის მომხმარებელი მიმართავს Pharmaco-ს, წესებსა და პირობებში მითითებულ საკონტაქტო/საკომუნიკაციო არხების საშუალებით.

• შეკვეთის ჩაბარებამდე მომხმარებელმა გარედან, ვიზუალურად უნდა დაათვალიეროს პროდუქტი, მათ შორის, შეფუთვის მდგომარეობა, ხოლო ნაკლის აღმოჩენის შემთხვევაში არ მიიღოს/არ ჩაიბაროს შეკვეთა/პროდუქტი.

• საგარანტიო პირობები

• თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

• საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

• საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

• საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

• მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
• საქონლის შეკეთება ან შეცვლა შეუძლებელია;
• მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
• გამყიდველის მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

• მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

• მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

• მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.

• თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება

• პასუხისმგებლობა

• წინამდებარე ხელშეკრულებით  განსაზღვრული ვალდებულებების დარღვევა იწვევს ამავე ხელშეკრულებით  და საქართველოს მოქმედი კანონმდებლობით გათვალისწინებულ პასუხისმგებლობას.

• მხარეები იღებენ ვალდებულებას აუნაზღაურონ ერთმანეთს მათ მიერ პირობების სრულად ან ნაწილობრივ შეუსრულებლობის ან არაჯეროვნად შესრულების შედეგად მიყენებული ზიანი  კანონმდებლობით დადგენილი წესით.

• კომპანია არ იძლევა რაიმე სახის დაპირებასა და გარანტიას, რომ ჩვენი პლატფორმა იქნება მუდმივად ხელმისაწვდომი ან არ ექნება პროგრამული შეცდომები, ვირუსები ან სხვა ხარვეზები. 

• კომპანია არ არის პასუხისმგებელი თქვენს ან ნებისმიერი პირის წინაშე, სახელშეკრულებო, გაუფრთხილებელი, დელიქტური ან სხვა სახით, ნებისმიერი დანაკარგისა და ზიანისთვის, რომელიც წარმოიშვა, ან რაიმე ფორმით დაკავშირებულია, თქვენს ან ნებისმიერ მესამე პირის მიერ ვებ-გვერდის/აპლიკაციის გამოყენებასთან, პირდაპირ ან არაპირდაპირ, მათ შორის  მოსალოდნელი მოგების დაკარგვის ან მიუღებელი შემოსავლისთვის.

• Pharmaco პასუხს არ აგებს მესამე პირების ნებისმიერ მოქმედებაზე, უმოქმედობაზე, მათ ვებ-გვერდებზე განთავსებულ ინფორმაციაზე იმ შემთხვევაშიც კი, თუ მესამე პირის ვებ-გვერდზე განთავსებულია ბმული, რომლითაც ხორციელდება Pharmaco-ს აპლიკაციაზე გადასვლა.

• Pharmaco პასუხს არ აგებს ქსელების, სისტემების, სერვერების, პროვაიდერების, მოწყობილობების, სერვისების ტექნიკურ ან პროგრამულ გაუმართაობაზე, გადამცემი ხაზების ხარვეზებზე; შეწყვეტაზე ან დაყოვნებაზე მონაცემთა დამუშავების/გადაცემის პროცესში; მომხმარებლის მასალების განადგურებაზე, მოპარვაზე, არა სანქცირებულ წვდომაზე.

• კანონით ნებადართულ ფარგლებში, კომპანია  იხსნის ყველა იმ სახის პასუხისმგებლობას, რომელიც გამომდინარეობს მომხმარებლის მიერ აპლიკაციის გამოყენებიდან ან მასზე დაყრდნობიდან, სხვა მომხმარებლების მიერ მიღებული სერვისებიდან, გაკეთებული განცხადებებიდან და წარმოდგენილი გარანტიებიდან.

• ანგარიშის გაუქმება და ანგარიშზე წვდომის შეზღუდვა

• მომხმარებელი უფლებამოსილია ნებისმიერ დროს გააუქმოს მისი ანგარიში pharmaco.ge-ს პლატფრომაზე. ანგარიშის გაუქმებისათვის მომხმარებელი უნდა დაუკავშირდეს Pharmaco -ს,წესებსა და პირობებში მითითებულ საკონტაქტო/ საკომუნიკაციო არხების საშუალებით.

• Pharmaco უფლებამოსილია მომხმარებელს შეუწყვიტოს ან შეუზღუდოს უფლება, ისარგებლოს pharmaco.ge-ს პლატფორმით ან/და მომსახურებით თუ მიიჩნევს, რომ დაირღვა ხელშეკრულებით ან/და საქართველოს მოქმედი კანონმდებლობის მოთხოვნები.

• იმ შემთხვევაში, თუ Pharmaco გააუქმებს მომხმარებლის ანგარიშს ან შეზღუდავს მის გამოყენებას, იმ მიზეზით რომ მომხმარებელმა დაარღვია წესები და პირობები ან/და საქართველოს მოქმედი კანონმდებლობა, მომხმარებელი არ არის უფლებამოსილი თავისი ან სხვისი სახელით შექმნას ახალი ანგარიში

• მარეგულირებელი კანონმდებლობა და დავა

• წინამდებარე ხელშეკრულება  რეგულირდება და განიმარტება საქართველოს კანონმდებლობის შესაბამისად.

• ხელშეკრულებასთან  ან მის ინტერპრეტაციასთან/განმარტებასთან დაკავშირებული ნებისმიერი დავა ან უთანხმოება გადაწყდება მხარეებს შორის მოლაპარაკების გზით.

• ფორს-მაჟორი

• არც ერთ მხარეს არ დაეკისრება პასუხისმგებლობა ხელშეკრულებით  ნაკისრი ვალდებულებების მთლიანი ან ნაწილობრივი დარღვევისათვის, თუ აღნიშნული გამოწვეული იქნება ფორს-მაჟორული (დაუძლეველი ძალის გარემოებების გამო) გარემოებების გამო პირდაპირი და უშუალო ზემოქმედებით.

• ხელშეკრულების მიზნებისათვის ფორს-მაჟორულ გარემოებებად (დაუძლეველი ძალის გარემობებად) მიიჩნევა წესებითა და პირობების ძალაში შესვლის შემდეგ წარმოშობილი მხარეებისათვის გადაულახავი, წინასწარ გაუთვალისწინებელი და მათი კონტროლისაგან დამოუკიდებელი გარემოებები. 

• მხარე, რომლის გამოც შეუძლებელია ხელშეკრულებით დაკისრებული ვალდებულებების შესრულება, ვალდებულია ფორს-მაჟორულ გარემოებების წარმოშობისა და მისი აღმოფხრის თაობაზე გონივრულ ვადაში შეატყობინოს მეორე მხარეს.

• მხარეების მიერ წესებითა და პირობებით ნაკისრი ვალდებულებების შესრულება გადაიდება ფორს-მაჟორული გარემოებების აღმოფხვრამდე.

• დამატებითი პირობები

• Pharmaco უფლებას იტოვებს, ნებისმიერ დროს ცალმხრივად, შეიტანოს ცვლილებები წინამდებარე ხელშეკრულებაში, რომლის შესახებაც რეგისტრირებულ მომხმარებლებს წინასწარ, გონივრული ვადით ადრე ეცნობება ელექტრონული ფოსტის ან მოკლე ტექსტური შეტყობინების გაგზავნის გზით.

• Pharmaco უფლებამოსილია შეცვალოს, ან შეწყვიტოს აპლიკაციის ფუნქციონირება, ან მომსახურება, რასაც გონივრულ ვადით ადრე აცნობებს მომხმარებელს.

• Pharmaco იტოვებს უფლებას უარყოს ან გააუქმოს მომხმარებლის მოთხოვნები/ტრანზაქციები, რომლებთანაც კომპანიას გააჩნია სამართლებრივი დავა; რომელმაც ადრე უკვე დაარღვია კომპანიის წესები და პირობები; რომელიც ეჭვმიტანილია რაიმე სახის თაღლითობაში, მათ შორის პლასტიკური ბარათების გადახდებთან დაკავშირებულ თაღლითობაში; რომლებიც განახორციელებენ პლასტიკური ბარათების ყალბ ან არასრულ საინდეტიფიკაციო მონაცემთა გამოყენებას და სხვა. Pharmaco-ს არ მიუწვდება ხელი მომხმარებლის მიერ აპლიკაციაში გამოყენებული ბარათების დეტალებზე (ბარათის ნომერი, მოქმედების ვადა, უსაფრთხოების კოდი და სხვა).

• მხარეთა მიერ ხელშეკრულებით  ნაკისრი ვალდებლებების შესრულების ან ამავე წესებით ან მოქმედი კანონმდებლობით მინიჭებული უფლებებისა და ინტერესების რელიზების ან დაცვისათვის, მათ შორის, წესებისა და პირობებით დარეგულირებულ საკითხებთან დაკავაშირებით, მომხმარებელსა და Pharmaco-ს შორის კომუნიკაცია, ძირითადად ხორციელდება ელექტრონულად, მომხმარებლის მიერ Pharmaco – ს პლატფორმაზე დაფიქსირებული ან/და Pharmaco-სათვის მიწოდებული ელექტრონული ფოსტისა მისამართზე ან/და მობილური ტელეფონის ნომერზე, ელექტრონული წერილებისა ან/და მოკლედ ტექსტური შეტყობინებების გაგზავნის გზით, თუმცა, Pharmaco უფლებამოსილია გამოიყენოს მომხმარებლის შესაბამის მობილური ტელეფონის ნომერზე ზეპირი სატელეფონო კავშირი.
  • მომხმარებელსა და Pharmaco -ს შორის კომუნიკაცია ხორციელდება კონფიდენციალობის პოლიტიკის დაცვით, პერსონალურ მონაცემთა დამუშავების მართლზომიერი მიზნებისა და საფუძვლების გათვალისწინებით.

• საკონტაქტო ინფორმაცია

• Pharmaco -თან დაკავშირება შეგიძლიათ შემდეგი საკომუნიკაციო არხების საშულებით:
• მისამართი: ქ. თბილისი, ბესიკის ქ. N4, ელ.ფოსტა; ელექტრონული ფოსტა: info@pharmaco.ge; ტელ:  +995 598 33 77 79