ტორნაზა-დექს თვ.წვ 1მგ/მლ 3მგ/მლ 5მლ N1 | Tornaza-Dex Eye Drops 1mg/ml 5ML N1

გენერიკი: Tobramicine/ტობრამიცინი
Availability:

ხელმისაწვდომია წინასწარი შეკვეთისათვის


გთხოვთ წაიკითხოთ ყურადღებით !

    1. შეკვეთიის განხორციელებისთვის დაამატეთ სასურველი რაოდენობის პროდუქტი კალათაში და მიჰყევით შეკვეთის პროცესს.
    2. ფარმაკოს საშუალებით შეგიძლიათ გამოიწეროთ მედიკამენტები და თავის მოვლის საშუალებები 20-70% უფრო ნაკლებ ფასად
    3. მედიკამენტები და თავის მოვლის საშუალებები იგზავნება საერთაშორისო დისტრიბუტორებისგან. (თურქეთი, ევროპა)
    4. მომხმარებლამდე ტრანსპორტირების სავარაუდო ვადა გახლავთ 4 კვირიდან 6 კვირამდე
    5. ფარმაკოს მიზანია გახადოს მედიკამენტები უფრო იაფი და ხელმისაწვდომი ჩვენი მოქალაქეებისთვის 😊❤️

0,00 

ხელმისაწვდომია წინასწარი შეკვეთისათვის

გენერიკი
ქვეყანა
მწარმოებელი
ფორმა
ჩამოტანის დრო
4 - 8 კვირა

ტორნაზა დექსი 3 მგ/გ + 1 მგ/გ თვალის მალამო

ტობრამიცინი/დექსამეტაზონი

პრეპარატის გამოყენებამდე ყურადღებით წაიკითხეთ ეს ინსტრუქცია, რადგან ის შეიცავს თქვენთვის მნიშვენლოვან ინფორმაციას.

– შეინახეთ ეს ინსტრუქცია. შესაძლოა კიდევ დაგჭირდეთ მისი წაკითხვა.

– დამატებითი კითხვების შემთხვევაში, მიმართეთ ექიმს ან ფარმაცევტს.

– ეს სამკურნალო საშუალება დაგენიშნათ მხოლოდ თქვენ. ნუ გადასცემთ მას სხვას გამოყენებისთვის, შესაძლოა პრეპარატმა ზიანი მიაყენოს მას იმ შემთხვევაშიც, თუ მასაც აღენიშნება მსგავსი სიმპტომები.

– თუ შენიშნავთ ნებისმიერ გვერდით ეფექტს, უნდა აცნობოთ ექიმს ან ფარმაცევტს. ეს ეხება ასევე ეფექტებს, რომლებიც არ არის აღწერილი ამ ინსტრუქციაში. იხილეთ პუნქტი 4.

გამოყენების ინსტრუქცია შეიცავს

1. რას წარმოადგენს ტორნაზა დექსი თვალის მალამო და რისთვის გამოიყენება

2. ინფორმაცია ტორნაზა დექსის თვალის მალამოს გამოყენებამდე

3. ტორნაზა დექსის თვალის მალამოს გამოყენების წესი

4. მოსალოდნელი გვერდითი ეფექტები

5. ტორნაზა დექსის თვალის მალამოს შენახვის პირობები

6. შეფუთვის შემადგენლობა და დამატებითი ინფორმაციები

1. რას წარმოადგენს ტორნაზა დექსის თვალის მალამო და რისთვის გამოიყენება

ტორნაზა დექსი არის კომბინირებული მედიკამენტი და შეიცავს დექსამეტაზონს და განკუთვნილია თვალში გამოყენებისათვის.

დექსამეტაზონი არის კორტიკოსტეროიდი ძლიერი ანთების საწინააღმდეგო მოქმედებით. ტობრამიცინი არის ანტიბიოტიკი, რომელიც მიეკუთვნება ეგრეთ წოდებულ ამინოგლიკოზიდებს, რომლებთაც ახასიათებთ აქტივობა მთელი რიგი მიკროორგანიზმების მიმართ, რომლებიც იწვევენ თვალის ინფექციებს.

ის გამოიყენება თვალის ანთებითი პროცესის პროფილაქტიკის და მკურნალობისათვის, ასევე კატარაქტას ქირურგიული ოპერაციის შემდეგ მოსალოდნელი ინფექციის პრევენციისათვის უფროსებში და 2 წლის ასაკის და უფროს ბავშვებში.

2. ინფორმაცია ტორნაზა დექსის თვალის მალამოს გამოყენებამდე

არ გამოიყენოთ ტორნაზა დექსის თვალის მალამო თუ აღინიშნება შემდეგი:

თუ გახასიათებთ ალერგიულობა (ჰიპერმგრძნობელობა) ტობრამიცინის და/ან დექსამეტაზონის მიმართ ან ამ მედიკამენტის შემადგენლობაში შემავალი ნებისმიერი დამხმარე ინგრედიენტის მიმართ (ჩამოთვლილია პუნქტში 6);
თუ გახასიათებთ რქოვანას herpes simplex; ჩუტყვავილას აცრის შემდეგ; ჩუტყვავილას და სხვა რქოვანას და კონიუქტივიტის ვირუსული დაავადებებისას.
თუ თვალის ინფექციები გამოწვეული მიკობაქტერიებით (თვალის ტუბერკულოზი);
თუ თვალის ინფექციები გამოწვეული თვალის სოკოთი ან აღინიშნება არანამკურნალევი თვალის პარაზიტული ინფექციები;
არანამკურნალევი თვალის ჩირქოვანი ინფექციებისას.
გაფრთხილებები და უსაფრთხოების ზომები

თუ თქვენ გაწუხებთ დაავადება, რამაც შესაძლოა გამოიწვიოს თვალის რქოვანას ან სკლერას გათხელება, მაგალითად რევმატოიდული ართრიტი, ფუქსის დისტროფია ან თუ თქვენ გაგიკეთდათ ბადურას ტრანსპლანტაცია. კორტიკოსტეროიდულებმა შესაძლოა გამოიწვიონ რქოვანას და სკლერას გათხელება და პერფორაცია, და შესაძლოა გამოიწვიოს თვალის ჭრილობის დაგვიანებული შეხორცება. ადგილობრივი გამოყენების არასტეროიდული ანთების საწინააღმდეგო საშუალებები (NSAIDs) როგორც ცნობილია ასევე ანელებენ ან აგვიანებენ შეხორცებას. თუ იყენებთ ადგილობრივ NSAIDS და კორტიკოსტეროიდებს ერთდროულად შესაძლოა გაიზარდოს შეხორცების პოტენციალის პრობლემები.
თუ აღინიშნება ალერგიული რეაქციები ტორნაზა დექსის გამოყენებისას, უნდა შეწყვიტოთ მისი გამოყენება და მიმართოთ ექიმს კონსულტაციისათვის. ალერგიული რეაქციები შესაძლოა გამოვლინდეს სხვადასხვა ფორმით და ვარირებდეს სიმპტომებიდან, როგორიცაა ადგილობრივი ქავილი ან კანის სიწითლე რთულ ალერგიულ რეაქციებამდე (ანაფილაქსიური რეაქციები) ან კანის სერიოზული რეაქციები. ეს ალერგიული რეაქციები შესაძლოა გამოვლინდეს სხვა ადგილობრივი ან იმავე ჯგუფის (ამინოგლიკოზიდური ტიპის) სისტემური ანტიბიოტიკების გამოყენების დროსაც.
თუ აღინიშნება სიმპტომების გაუარესება ან უეცარი რეციდივი, გთხოვთ მიმართოთ ექიმს. შესაძლოა თქვენ უფრო მგრძნობიარე ხართ თვალის ინფექციის მიმართ ამ პროდუქტის გამოყენებისას.
თუ გახასიათებთ დიაბეტი უნდა მიმართოთ ექიმს კონსულტაციისათვის. კორტიკოსტეროიდებით გამოწვეული შიდა თვალის წნევის გაზრდის რისკი და/ან კატარაქტის განვითარების რისკი მაღალია დიაბეტით დაავადებულ პაციენტებში.
მიმართეთ ექიმს თუ აღინშნება მხედველობის დაბიდნვა ან სხვა მხედველობის დარღვევები.
თუ იყენებთ სხვა ანტიბიოტიკებს, მათ შორის ორალურსაც, ტორნაზა დექსთან ერთად, უნდა მიმართოთ ექიმს კონსულტაციისთვის.
თუ იღებთ ტორნაზა დექსს ხანგრძლივი დროის მანძილზე, შესაძლოა აღინიშნოს მომატებული მგრძნობელობა თვალის ინფექციის მიმართ, ასევე აღინიშნოს თვალის შიდა წნევის მომატება ან კატარაქტას განვითარება.
მიმართეთ ექიმს თუ აღინიშნება შეშუპება ან წონაში მატება წელის და სახის არეში, რომელიც ჩვეულებრივ არის კუშინგის სინდრომის პირველი ნიშნები. თირკმელზედა ჯირკვლის ფუნქციის სუპრესია შესაძლოა გამოვლინდეს ტორნაზა დექსის ხანგრძლივი ან ინტენსიური მკურნალობის შეწყვეტის შემდეგ. მიმართეთ ექიმს რჩევისთვის თუ გსურთ მკურნალობის თვითნებურად შეწყვეტა. არსებობს რისკის გამოვლენის საშიშროება, განსაკუთრებით ბავშვებში და პაციენტებში, რომლებიც იტარებდნენ მკურნალობას პრეპარატებით, როგორიცაა რიტონავირი ან კობიცისტატი.
თირკმელზედა ჯირკვლის სუპრესიის ნიშნები და სიმპტომები მოიცავენ დაღლილობას, მსუბუქ თავბრუსხვევას წამოდგომისას ან წამოდგომის გაძნელებას, კუნთების სისუსტეს, ცხელებას, წონაში კლებას, შფოთს, ღებინება, გულისრევა, დიარეა, თავის ტკივილები, ოფლიანობა, ხასიათის ან პიროვნების ცვლილებები და სახსრების და კუნთების ტკივილს.
თუ დაგენიშნათ ტორნაზა დექსი, გამოყენებამდე მიმართეთ ექიმს კონსულტაციისათვის

უნდა შემოწმდეს თვალის შიდა წნევა ხშირად, განსაკუთრებით მნიშვნელოვანია ეს 6 წლამდე ასაკის ბავშვებში, რომლებიც იღებენ დექსამეტაზონის შემცველ პროდუქტებს.
არ გამოიყენოთ ტორნაზა დექსი 2 წლამდე ასაკის ბავშვებში, რადგან ამ პროდუქტის უსაფრთხოება და ეფექტურობა ამ ასაკობრივ ჯგუფში არ არის გამოკვლეული.
სხვა მედიკამენტები და ტორნაზა დექსის თვალის მალამო

აცნობეთ ექიმს ან ფარმაცევტს თუ იღებთ, მიიღეთ ცოტა ხნის წინ ან აპირებთ სხვა მედიკამენტების მიღებას.

განსაკუთრებით უნდა აცნობოთ ექიმს, თ იღებთ ადგილობრივი გამოყენების NSAIDs. თუ იღებთ ადგილობრივ სტეროიდებს ან ადგილობრივ NSAIDs ერთად, შესაძლოა გაიზარდოს რქოვანას შეხორცების პრობლემები.

აცნობეთ ექიმს თუ იღებთ რიტონავირს ან კობიცისტატს, რადგან მათ შესაძლოა გაზარდოს სისხლში დექსამეტაზონის რაოდენობა.

თუ იღებთ ერთდროულად სხვა თვალში შესაყვან მედიკამენტებს, მაშინ ამ პროდუქტების გამოყენებებს შორის ინტერვალი უნდა შეადგენდეს მინიმუმ 5 წუთს. თვალის მალამო უნდა წაისვათ ბოლოს.

ორსულობა, ლაქტაცია და ფერტილობა

თუ ხართ ორსულად ან კვებავთ ჩვილს ძუძუთი, ფიქრობთ, რომ ხართ ორსულად ან გეგმავთ ორსულობას, მიმართეთ ექიმს ან ფარმაცვეტს ამ მედიკამენტის გამოყენებამდე.

ტორნაზა დექსის გამოყენება არ არის რეკომენდებული ორსულობის ან ლაქტაციის პერიოდში.

ავტომობილის მართვა და მექანიზმებთან მუშაობის უნარი

თუ ტორნაზა დექსის გამოყენების შემდეგ აღინიშნება მხედველობის დაბინდვა არ უნდა მართოთ ავტომობილი ან მექანიზმები, სანამ არ აღდგება მხედველობა.

მნიშვნელოვანი ინფორმაცია კონტაქტური ლინზების ტარების შესახებ

კონტაქტური ლინზების ტარება არ არის რეკომენდებული თვალის ინფექციის ან ანთების მკურნალობის დროს.

თუ ატარებთ კონტაქტურ ლინზებს, უნდა მოიხსნათ ისინი ტორნაზა დექსის გამოყენებამდე და გაიკეთოთ პრეპარატის გამოყენებდან 15 წუთის შემდეგ.

ტორნაზა დექსის თვალის მალამო შეიცავს მეთილის პარაჰიდროქსიბენზოატს და პროპილის პარაჰიდროქსიბენზოატს

სამედიცინო პროდუქტის ამ ინგრედიენტებმა შესაძლოა გამოიწვიოს ალერგიული რეაქციები (მოსალოდნელია დაგვიანებული სახისაც).

3. ტორნაზა დექსის თვალის მალამოს გამოყენების წესი

ყოველთვის მიიღეთ ეს მედიკამენტი ზუსტად ექიმსი ან ფარმაცევტის დანიშნულების მიხედვით. მიმართეთ ექიმს, თუ რაიმეში არ ხართ დარწმუნებული.

რეკომენდებული დოზირება

ჩვეულებრივი რეკომენდებული დოზირება უფროსებში შეადგენს მალამოს მცირე რაოდენობას (დაახლოებით 1.5 სმ ზოლი) დაინფიცირებულ თვალ(ებ)ის კონიუქტივიტის ტომარაში (ქვედა შიდა კუთხეში), სამჯერ ან ოთხჯერ დღეში.

მკურნალობის ხანგრძლივობა განისაზღვრება ექიმის მიერ.

არ შეიძლება 24 დღეზე მეტი ხნით გამოყენება.

ტორნაზა დექსის თვალის მალამოს გამოყენება შესაძლებელია 2 წლის და უფროსი ასკის ბავშვებში იმავე დოზირებით, როგორც უფროსებში.

ტორნაზა დექსის თვალის მალამო გამოიყენება მხოლოდ თქვენი თვალებისთვის.

კატეგორია:

გამოწერის ინსტრუქცია